Бөхмөрөн сумын Улаан загалмайн анхан шатны хорооны удирдах зөвлөл хуралдаж өмнөх хийсэн ажлын талаар ярилцан дүгнэлт гаргаж цаашид хийж хэрэгжүүлэх ажлын төлөвлөгөө боловсруулж ажиллаа. Энэ жил сумын ихэнхи нутгаар бороо чийг муу орсон тул өвсний гарц муу, өвөл хавар цас их орвол цаг үе хүндрэх төлөвтэй байгаа болохоор гамшгийн үед бэлэн байдлыг хангаж цаг алдалгүй ажиллах нь чухал юм. Энэ нөхцөл байдлыг иргэдэд танилцуулж хүмүүнлэг, энэрэнгүй үйлсэд гишүүн элсүүлэх, ядарсан нэгэндээ туслах хандивийн аян өрнүүлэх, Улаан загалмайн дунд шатны хорооноос ирүүлсэн тусламжийн эд зүйлсийг очих ёстой хүмүүст нь хүргэх зэрэг асуудлуудыг авч хэлэлцэн шийдвэрлэлээ.