Модон могой жилийн зуны тэргүүн цагаагчин могой сарын шинийн 5-ны билэгт сайн өдөр Алтайн 13 сангийн тахилгатай уул овоонуудаа нэгэн зэрэг тахин тайлж, энэ сарын 3-нд гурван овооныхоо бэсрэг наадмыг зохион байгууллаа. Наадамд бүх насны морь уралдуулж, хүчит бөхөө барилдуулан дэнж хотойтол дэлгэр сайхан наадлаа. Хүчит 32 бөх барилдсанаас түрүү бөхөөр Ногооннуур сумын заан Еркинбол, үзүүр бөхөөр Бөхмөрөн сумын заан Э.Хосбаяр, их шөвөгт Бөхмөрөн сумын харъяат аймгийн начин Г.Гомбосүрэн, Ц.Баярсайхан нар тус тус шалгарлаа.