Олон хүүхэд төрүүлж өсгөсөн эхийг урамшуулах тухай хуульд нэмэлт өөрчлөлт оруулж дөрвөн хүүхэд төрүүлсэн эх II, зургаа болон түүнээс дээш хүүхэдтэй бол I зэргийн одон олгохоор хуульчилсан билээ. Жил бүрийн 6 дугаар сарын 1 буюу Олон улсын хүүхдийн эрхийг хамгаалах өдөр, Эх үрсийн баяраар Монгол улсын ерөнхийлөгчийн зарлигаар алдарт эхийн 1,2-р зэргийн одон гардуулдаг. Энэ жил Бөхмөрөн сумаас алдарт эхийн 1-р одонгоор Байшинт багийн иргэн Намсрайн Алтанцэцэг, Хар алтат багийн иргэн Гомбожавын Цэцэгсүрэн, Айдолда Күлсинхан нар, алдарт эхийн 2-р одонгоор Байшинт багийн иргэн Отгонсүрэнгийн Ариунхишиг, Батсүхийн Болормаа, Отгоны Оюун-Эрдэнэ, Энхтөрийн Эрдэнэчимэг, Хар алтат багийн иргэн Цэрэндоржийн Энхзаяа, Гурван жигэртэй багийн иргэн Сүрэнжавын Отхончимэг нар шагнагдлаа. Алдарт эхийн одонгоор энгэрээ мялаалгасан ээжүүддээ баяр хүргэж сайн сайхан бүхнийг хүсье.

Бөхмөрөн сумын Иргэдийн төлөөлөгчдийн хурлын Тэргүүлэгчдийн 2018 оны 5 дугаар сарын 11-ны өдрийн А/15 тоот тогтоолоор Ногоон сум дэд хөтөлбөрийг баталлаа. Ногоон хөгжлийн бодлогыг хэрэгжүүлж төрийн албан хаагчид, аж ахуйн нэгж байгууллагууддаа түшиглэн, айл өрх, иргэдийг уриалан олон нийтийн оролцоог нэмэгдүүлэх замаар сум орон нутгаа ногоон сум болгон хөгжүүлэх зорилгоор энэхүү хөтөлбөрийг боловсруулан баталлаа.

Бөхмөрөн сумын Иргэдийн төлөөлөгчдийн хурлын Тэргүүлэгчдийн 2018 оны 05-р сарын 11-ны өдрийн хуралдааны А/16 тоот тогтоолоор малжуулах дэд хөтөлбөр баталлаа. Сум орон нутагт малчин өрхийн тоог нэмэгдүүлэх, залуу үеийн мал маллах хүсэл санаачлагыг дэмжих, үлгэр жишээ сайн малчдын санаачлага дэмжлэгийг үр дүнтэй зохион байгуулахад хөтөлбөрийн зорилго оршино.

Олон улсын хүүхдийн эрхийг хамгаалах өдрийг “Хүүхдийн төлөө за гэж хэлцгээе” уриан дор тэмдэглэн өнгөрүүллээ. Уг арга хэмжээгээр Монгол улсын ерөнхийлөгчийн зарлигаар алдарт эхийн 1,2-р зэргийн одонгоор шагнагдсан ээжүүдэд одон гардуулах, сумын өндөр настан 3 ээжийг алдаршуулах, бүтэн, хагас өнчин хүүхдүүдэд бэлэг гардуулах зэрэг ёслол хүндэтгэлийн арга хэмжээ болсон ба авьяаслаг хүүхэд багачуудын урлагын тоглолт, байгууллага бүр өөрсдийн нэрэмжит тэмцээн уралдаануудыг зохион байгуулж тэмцээнд оролцогчдыг шагнаж урамшууллаа.

Хүүхдийн төлөө “ЗА” гэж хэлцгээе уриатай баярын жагсаал боллоо. Олон улсын хүүхдийн эрхийг хамгаалах өдөр, эх үрсийн баярыг тохиолдуулан хүүхдийн төлөө “за гэж хэлцгээе” уриан дор төрийн албан хаагчид болон иргэд хөдөлмөрчид оролцсон баярын жагсаал парад алхалт, байгууллагуудын туг далбааг залж мандуулах ёслолын арга хэмжээ зохион байгуулагдлаа. Энэхүү үйл ажиллагааг сумын ИТХ-аас санаачлан 2 дахь жилдээ болж байгаа ба хөгжлийн бэрхшээлтэй, бүтэн, хагас өнчин хүүхэд багачуудын эрх ашгийг хамгаалах, тэдэнд сэтгэлийн дэмжлэг үзүүлэх зорилготойгоор зохион байгуулагдаж байгаа нь онцлог юм.

Өхөөрдөм үрсийн баясгалантай инээдэнд хорвоо дэлхий баясан цэнгэсэн, үлэмж ачит ээжийн бүүвэйнд буурал дэлхий уяран хайлсан нарлаг зуны энэ өдөр тохиож байгаа Эх үрсийн баярын мэндийг өнє эртний түүхтэй хөх Монголынхоо үзэсгэлэнт ээжүүд, энхрий үрсэд хүргэхийн хамт нарт дэлхийг уяраан нялхруулах бүүвэйн дуу мөнхөд эгшиглэж, хөөрхөн үрсийн баясгалант инээд хэзээ ч тасрахгүй үргэлжилж байгаасай гэсэн сайхан ерөөлийг дэвшүүлье! Эх үрс элбэрэлтэй Өрх гэр аз жаргалтай байх болтугай! Бөхмөрөн сумын ИТХ-ын дарга П.Баярсайхан

Зуны эхэн сарын шинийн 15 буюу 2018.05.29-ны өдөр хуучнаар Бөхмөрөн сум 5-р баг Нүцгэн голын овоог тахин тайллаа.

Бөхмөрөн сумын Золбоолог багачууд хүүхдийн цэцэрлэгийн хүүхэд багачууд тайлан тоглолт хийлээ. Эцэг өвгөдөөс уламжлан үлдээсэн өв соёлоо сэргээх зорилгоор цэцэрлэгийн бүх хүүхдүүд ,цэцэрлэгийн ажилчид ,эцэг эхийн төлөөл хамтарсан дөрвөд ардын бий биелгээний цоморлигийг эцэг эхчүүд, байгууллагын бүх ажилчдад тоглож сонирхуулллаа. Энэ үйлд явдлын үеэр бага бүлэг,ахлах бүлгийн хүүхдүүд 2017-2018 оны хичээлийн жилд сурсан зүйлээ эцэг эхчүүддээ тайлагналаа.

2018 оны 05-р сарын 25нд Бяцхан шавь нарын эрдмийн баярыг амжилтай зохион байгуулсан . 2015-2018 он буюу 3 жилийн хугацаанд сурсан мэдсэн зүйлээ эцэг эхчүүдтэй тайлагналаа Эрдмийн баярын үеэр төгссөн хүүхдүүдээ шагнаж урамшууллаа.Нийт 30 хүүхэд төгссөн ба шилдэг ,тэргүүний,оюунлаг,бүтээлч,тамирчин,бяцхан мисс,бяцхан ханхүү гэсэн 7 номинациаар шалгаруулж урамшуулав. Сургууль цэцэрлэгийн залгамж холбоог сайжруулах зорилгоор 1-р ангид авах 2 багшид бүтээлч,шилдэг,тэргүүний ,тамирчин хүүхдүүдийг бүлгийн 2 багш нь: Цаашид нь амьдралын зам сүү шиг цагаан тал шиг дардан байж улс эх орондоо ихийг бүтээсэн мундаг эрдэмтэн доктор болохыг хүсэн ерөөж цагаан сүүгээ амсуулан багш нарт нь хүлээлгэж өглөө.

Монгол улсын гавьяат багш Ё.Бат-Өлзийгийн нэрэмжит Бөхмөрөн сумын ерөнхий боловсролын дунд сургуулийн 1-р ангийн сурагчид "ЭРДМИЙН БАЯР"-аа тэмдэглэн өнгөрүүллээ. 2017-2018 оны хичээлийн жилд 1-р ангид элсэн орсон сурагчдыг бага ангийн багш Б.Өлзийдэлгэр, Л.Хишгээ нар даан авсан. Алдрай бяцхан шавь нарын “Эрдмийн баяр”- ын арга хэмжээнүүд сайхан болж сурагчид юу сурсан мэдсэнээ эцэг эх хөдөлмөрчид ард иргэдэд тайлагнав.

Монгол улсын гавьяат багш Ё.Бат-Өлзийгийн нэрэмжит Бөхмөрөн сумын ерөнхий боловсролын дунд сургуулийн 48 дахь төгсөлтийн мөнгөн хонхны баяр боллоо. 2017-2018 оны хичээлийн жилийн 9-р ангиудыг Математик мэдээлэл зүйн багш Л.Аззаяа, Хими биологийн багш С.Батхишиг нар удирдан ажиллаж хичээлийн жилийн эцэст “Мөнгөн хонхы баяр”-ыг тэмдэглэн өнгөрүүллээ. Сургуулийн шилдэг сурагчаар 9а ангийн сурагч Б.Өнөболд, 9б ангийн сурагч Б.Дэлгэрмаа нар шалгарсан бол хичээл заадаг багш нар тус бүрийнхээ тэргүүний сурагч , шилдэг сурагч. Авьяаслаг сурагчдыг шалгаруулж шагнаж урамшууллаа.

Анх 1925 онд Женевт хүүхдийн сайн сайхны төлөө дэлхийн чуулга уулзалт болж, тэрхүү чуулга уулзалтаас 6 дугаар сарын 1-ний өдрийг дэлхий нийтээрээ “Хүүхдийн эрхийг хамгаалах өдөр” болгох уриалга гаргасан байна. Монгол Улс 1952 оноос эхлэн 6 дугаар сарын 1-ний өдрийг “Хүүхдийн баяр”-ын өдөр болгон тэмдэглэж ирсэн. Энэхүү тэмдэглэлт өдөр сумын хүүхэд багачуудыг баярлуулах зорилгоор тусгай хөтөлбөр гарган бэлтгэл ажил ханган ажиллаж байна.

Сумын нийт нутгаар хуурайшилттай , салхи шуурга ихтэй хэцүүхэн хавар болсон, хур бороо орохгүй гандуу байгаа тул нутгийн иргэд өөрсдийн санал санаачлагаар хандив босгон Хөгшин овоот, Хавчуун овоо, Ихэр Хозын овоог тахиж, лус савдаг, байгаль дэлхийг баясган аргадлаа. Нутгийн лус савдаг, овоог тахин тайлахад тухайн багуудын нохой жилтэнгүүд нэгдэж нийт санхүүжилтийг гаргасан. Мөн сумын уугуул Ж.Пүрэвхүү өөрийн санаачлагаар Улаанбаатар хотоос лам хуврага залж нутгийн иргэдтэй хамтран тахин тайллаа.

Өнөөдрийн Засгийн Газрын хуралдаанаас Увс аймгийн БӨХМӨРӨН, Хөвсгөл аймгийн ТАРИАЛАН, Дархан-Уул аймгийн ОРХОН, Дорнод аймгийн ХӨЛӨНБУЙР сумдыг Улсын тэргүүний сумаар шалгарууллаа. Бөхмөрөн сумын ажилч хөдөлмөрч иргэд болон нутгаар минь овоглож явдаг уугуул, суугуул нийт иргэд хөдөлмөрчиддөө баяр хүргэе

Дархан бэрүүдийг хайрлан хүндэлж алдаршуулах, ухаант өвөг дээдсийнхээ мартагдсан уламжлалыг сэргээх залуу хойч үедээ таниулах зорилготой “ Дархан ээжүүдийн баяр” хүндэтгэлийн арга хэмжээ Увс аймгийн Улаангом суманд 05-р сарын 15-16 нд зохион байгуулагдлаа. Уг арга хэмжээнд Бөхмөрөн сумаас Байшинт багийн дархан ээж Гатавын Дэрзэдмаа, Хар алтат багийн дархан ээж П.Нарантуяа, Буяндалайгийн Соёлмаа, Гурван жигэртэй багийн дархан ээж Дистийн Намжилсүрэн гэсэн 4 ээж сум орон нутгаа төлөөлөн оролцоо.

2018 оны 05-р сарын 15 нд олон улсын гэр бүлийн өдрийг тэмдэглэн өнгөрүүлэхтэй холбогдуулан “Аз жаргалтай гэр бүл” зөвлөгөөн аймгийн төвд амжилтай зохион байгуулагдаж энэхүү үйл ажиллагаанд Бөхмөрөн сумаас 2 гэр бүл оролцлоо. Тус гэр бүлийг сумын албан байгууллагуудын гэр бүлийн зөвлөлийн дарга нар шалгуур үзүүлэлтийн дагуу шалгаруулсан ба монгол гэр бүлийн үнэт зүйлсийг бэхжүүлж, бат бөх хариуцлагатай гэр бүлийг дэмжих, гэр бүлд тулгамдаж буй асуудал, түүнийг шийдвэрлэх арга замыг хэлэлцсэн үр дүнтэй арга хэмжээ боллоо

Жил бүрийн 5-р сарын 8-нд Олон улсын Улаан загалмай, Улаан хавирган сар нийгэмлэгийн өдөр болдог. Энэ хүмүүнлэгийн хөдөлгөөний үндэсийг бүрэлдүүлэгч хүмүүс нь сайн дурынхан учир "Сайн дурынхны өдөр" ч гэж олон улсад нэрлэдэг байна. Олон улсын улаан загалмайн нийгэмлэг нь эдийн засгийн хямрал, ядуурал, нийгмийн бусад шалтгаанаас үүдэлтэй эмзэг байдал, байгалийн гамшиг, халдварт өвчний тархалт зэрэг нийгмийн хөгжил, улс орны аюулгүй байдалд нөлөөлсөн аливаа хүндрэл бэрхшээлийг даван туулахад туслах зорилгоор үйл ажиллагаагаа явуулдаг байгууллага юм. Тус тэмдэглэлт өдрөөр сумын төрийн албан хаагчид болон Улаан загалмайн идэвхитэн дэмжигч гишүүдийн дунд “Хээрийн цайны амт” аялал зохион байгуулж ажиллаа. Аялалыг ЗДТГ-ын өмнөх талбайгаас Баруун голын чиглэлд ерөнхий маршруттай “Хүмүүнлэг, энэрэнгүй үйлсийг түгээцгээе” уриатай явган жагсаалаар эхлүүллээ. Аялалд нийт 80 гаруй төрийн албан хаагч, идэвхитэн дэмжигч гишүүд оролцсон ба идэвхитэн дэмжигчдийн дунд олс таталт, багаар буухиа гүйлт, цайны амт гэсэн 3 төрлийн тэмцээн зохион байгуулж эхний 3 байрыг шагнаж урамшууллаа.

"Боловсролын чанарын шинэчлэл" төсөл "сургуулийн шинэчлэлд - Тэтгэлэгт хөтөлбөрийн үр дүн" тайлант өдөрлөг оролцож тайлангаа танилцууллаа. Тэрээр бага боловсролын эх хэл, байгалийн ухаан ба математикийн сургалтыын чанар үр дүнг нэмэгдүүлэн, сургуулийн түвшинд төлөвлөлтийг бэхжүүлэх замаар бага боловсролын чанарыг сайжруулах “Боловсролын чанарын шинэчлэл” төслийн “Сургуулийн тэтгэлэгт хөтөлбөр”-ийг амжилттай хэрэгжүүлэн ном гарын авлага боловсруулж, хэрэглэгдэхүүний хүртээмжийг нэмэгдүүлэн, ээлжит хичээлийн чанарыг сайжруулах замаар хүүхдийн хөгжлийг дэмжсэн үйл ажиллагааг үр дүнтэй зохион байгуулж ажилласанаар Бөхмөрөн сумын ерөнхий боловсролын сургууль “Сургалтын орчин бүрдүүлсэн” шилдэг сургуулиар шалгарлаа.

Бөхмөрөн суманд байгаль, ан амьтан хамгаалах чиглэлээр 7, хамтын эзэмшлийн ойн менежментийн чиглэлээр 4 нийт 11 нөхөрлөл 156 өрхийн 339 гишүүнтэй үйл ажиллагаагаа явуулж байна. Сум орон нутгаас байгаль хамгаалах нөхөрлөлийн үйл ажиллагааг дэмжин хамтран ажиллаж байгаа бөгөөд нөхөрлөл тус бүрийн эхний улирлын тайлан мэдээллийг сонсож ажлын төлөвлөгөөтэй танилцан санал бодлоо солилцож ажиллаж байна. Эхний ээлжинд Хусны эхэн нөхөрлөл тайлангаа тавьж ажлын төлөвлөгөөгөө танилцууллаа.

Орон нутгийн төсвийн төлөвлөлт, хуваарилалт, санхүүжилтийн байдалтай газар дээр нь танилцан, төсвийн орлого, зарлагын тооцооллын үнэн зөв байдлыг магадлан шалгах, анхан шат дээр нь тулгамдаж буй асуудлыг судлаж, сонсох, зөвлөн туслах үйлчилгээ өгч байгаа нь маш том дэвшил юм.