ИТХ-ын дарга П.Баярсайхан, Сумын Засаг дарга Т.Төртогтхох Засаг даргын орлогч Б.Батбаяр, Хэсгийн төлөөлөгч Б.Лхагважав, Хүнсний аюулгүй байдал хариуцсан мэргэжилтэн Б.Мөнхжаргал Татварын байцаагч С. Сонинбаяр, Байгаль орчны байцаагч С.Болор, Хууль эрхзүй дотоод хэрэг хариуцсан мэргэжилтэн Г.Бүрэнжаргал, Статистик хариуцсан мэргэжилтэн Т.Өнөржаргал нарын ажлын хэсэг Баян-өлгий аймгийн Өлгий сумын 7-р баг /Хотгорын уурхайн тосгон/ -т Байгаль орчны багц хууль, татвар, хүнсний аюулгүй байдал, бусад хуулийн хэрэгжилт, хүрээлэн байгаа орчны эрүүл ахуй, гэмт хэргээс урьдчилан сэргийлэх чиглэлээр хяналт хийж, шаардлага тавьж ажиллаа. Энэ хүрээнд хүнсний худалдаа эрхэлдэг бүх дэлгүүрээр орж архи согтууруулах ундааг зарж борлуулах эрхийн олголтын байдал болон хугацаа нь дуусан хүнсний бүтээгдэхүүн хурааж авч устгал хийсэнээс гадна гал тогоо бүхий газруудаар орж хяналт хийж илэрсэн зөрчлийг арилгаж эргэж мэдээллэх албан мэдэгдэл өглөө. Бүх айл өрхүүдээр орж хог хаягдлын тухай хуулийг танилцуулж хашааныхаа гадна үнс ,хогоо асгаж байгаа айл өрхүүдийн үнс, хогийг нь ачуулж хашаан дотороо үнс хогоо оруул гэсэн албан мэдэгдэл өгсөн . Баян -өлгий аймгийн Өлгий сумын 7-р багийн БИНХ-ын дарга А. Бердхан, Багийн Засаг дарга С. Мушилхан нарт хог хаягдлыг тухай хуулийн 8-р зүйлийн 5,1 дэх заалтыг хэрэгжүүлж ажиллах хугацаатай албан шаардлага хүргүүллээ.

Бөхмөрөн сумын цагдаагийн хэсэг, ГХУСАЗСЗ-тэй хамтран "НЭГ ХОРОМ" аяны хүрээнд 2019 оны 03 дугаар сарын 18-ны өдөр сумын иргэдийн дунд хөгжөөнт "АХА", болон "Буудлагын" тэмцээнийг тус тус зохион байгууллаа. Мөн сумын байгууллага, аж ахуйн нэгжүүдийг "НЭГ ХОРОМ" аянд нэгдүүлж хүний эрүүл мэндийн эсрэг гэмт хэргээс урьдчилан сэргийлэх чиглэлээр ухуулга, яриа хийж видео бичлэг үзүүлж ажиллалаа.

Увс аймгийн ИТХ-ын дарга Э.Насанбатын санаачлан зохион байгуулж буй “Мөнхжим Өргөө” ХХК-ны нэрэмжит хойд бүсийн сумдын Математик, Англи хэл, Сэтгэх чадварын олимпиад 2019 оны 03 сарын 15-ны өдөр Сагил суманд зохион байгуулагдлаа. Хоёр дахь жилдээ зохион байгуулагдаж байгаа уг олимпиад Матeматик 6,7,8,9-р анги, Англи хэл 6,7,8,9-р анги, Сэтгэх чадвар 1, 2-3, 4-5-р анги гэсэн ангилалаар явагдсан бөгөөд Давст, Сагил, Түргэн, Бөхмөрөн, Тариалан сумдын ерөнхий боловсролын сургуулийн нийт 120 гаруй сурагчид 11 багц 33 медалийн төлөө оюун ухаан, эрдэм мэдлэгээ сорьлоо. Олимпиадны ерөнхий дүнгээр Бөхмөрөн сум 6 алт, 2 мөнгө, 2 хүрэл, 3 тусгай байр эзэлсэн амжилтаар тэргүүн байр эзэлж Шилжин явах цомын эзэд болсон бол Тариалан сум 3 алт, 5 мөнгө, 4 хүрэл, 2 тусгай байр эзэлсэн амжилтаар 2-р байранд, Сагил сум 1 алт, 2 мөнгө, 3 хүрэл, 3 тусгай байр эзэлсэн амжилтаар 3-р байранд тус тус шалгарлаа.

Увс аймгийн Бөхмөрөн сум“Малчин түмэндээ туслах аян” зарласан бөгөөд төрийн болон төрийн бус байгууллага ард иргэд нэгдэн чинь сэтгэлийн хандив дэмжлэгээ үзүүлсээр байна. Энэхүү сайн үйлсийн аянд сумын ИТХ, ЗДТГ-ын хамт олон идэвхтэй оролцож гэр нь шатсан малчин Ш.Сүхбаатрын гэр бүлд 300000 төгрөг хандивласан бөгөөд хаваржилт хүндэрч болзошгүй хөдөөгийн багийн малчдад 250 000 төгрөгийн эд материаллын дэмжлэг үзүүллээ. Аяны хүрээнд цугларсан нэн шаардлагатай дулаан хувцас, хүнсний болон өргөн хэрэглээний бараа бүтээгдэхүүн, төлийн нэмнээ, элгэвч, зэргийг малчин түмэндээ хүргэх ажлыг зохион байгуулсаар байна. Мянга мянган жил бэлчээрийн мал аж ахуйг эрхлэн монголчуудын амьдралын эх суурийг хангаж ирсэн малчин түмэндээ сэтгэлийн дэмжлэгээ үзүүлж, буянт мал сүргээ хамгаалах ариун үйлсэд тус болох сайн үйлсийн аянд нэгдсэн албан хаагчиддаа талархал илэрхийлэе.

Сумын ИТХ-ын эмэгтэй төлөөлөгчид санаачлан “Хөгжлийн төлөө эмэгтэйчүүдийн манлайлал” чуулга уулзалтыг амжилттай зохион байгуулж 180 эмэгтэйчүүд хамрагдлаа. Чуулга уулзалтыг сумын ИТХ-ын дарга П.Баярсайхан, Засаг дарга Т.Төртогтох нар нээж сумын ИТХ-ын эмэгтэй төлөөлөгчид, эмэгтэйчүүдийн холбооны дарга нар мэдээлэл хийлээ. Сумын ИТХ-ын төлөөлөгч, Тэргүүлэгч Б.Болормаа, Г.Энхбаяр, ЗДТГ-ын хууль эрх зүйн сургалт сурталчилгаа хариуцсан мэргэжилтэн Г.Бүрэнжаргал нар эмэгтэйчүүдийн эрх, гэр бүл хүүхдийн хүмүүжил, сумын эмэгтэйчүүдийн өмнө тулгамдаж буй асуудал сэдвүүдээр илтгэл тавьлаа. Чуулганд оролцсон бүсгүйчүүдийн дунд “Бөхмөрөн суманд ажиллаж, амьдарч буй эмэгтэйчүүдийн өмнө тулгамдаж буй асуудал” сэдэвт хэлэлцүүлэг өрнүүлж, санал хүсэлтийг сонсож шаардлагатай асуултанд сумын дарга удирдлагууд хариулт өгч цаашид дэмжин ажилхаа мэдэгдэж байлаа. Энэхүү чуулга уулзалтын үеэр аймаг болон сум орон нутгийн шагналаар дараах эмэгтэйчүүд шагнагдлаа Аймгийн хүндэт тэмдэг - Ш.Мөндөө Аймгийн Засаг даргын жуух бичиг – Б.Энхтуяа Аймгийн Засаг даргын баярын бичиг – С.Орших Сумын ИТХ-ын хүндэт өргөмжлөл – Ц.Отхой, У.Жаргалсүрэн Эмэгтэйчүүдийн холбоо, сумын ИТХ-ын эмэгтэй төлөөлөгчид санаачлан 9 алдартан эхийг шалгарууллаа. 1. Өв тээгч ээж - Ц.Янжив 2. Монголжингоо ээж - Н.Ариунгэрэл 3. Авьяаслаг ээж - Д.Билгээ 4. Дархан ээж - Б.Буяндэлгэр 5. Энэрэлт ээж - Д.Ичинорлом 6. Тамирчин ээж - И.Энэбиш 7. Алтан гарт ээж - С.Цэцэг-Өлзий 8. Шинийг санаачлагч ээж - М.Ганцэцэг 9. Хөдөлмөрч ээж - Б.Оюунгэрэл нар шалгарлаа Мөн энэхүү чуулга уулзалтын үеэр эмэгтэйчүүдийн холбооны дарга удирдах бүрэлдэхүүнээ шинэчлэн зохион байгууллаа. Холбооны шинэ даргаар Батжаргалын Жаргалсайхан сонгогдож тэргүүлэгч 10 гишүүнээ томилсон. “ Хөгжлийн төлөө эмэгтэйчүүдийн манлайлал” чуулганы төгсгөлд эмэгтэйчүүд цаашид ажил амьдралдаа мөрдлөг болгох уриалга дэвшүүлж баталлаа.

Хүрээлэн байгаа орчны эсрэг гэмт хэргээс урьдчилан сэргийлэх дэд хөтөлбөрийн хүрээнд Бөхмөрөн сумын Байгаль орчин тогтвортой хөгжлийн тасгаас тусгай удирдамжийн дагуу зэрлэг амьтдын шилжилт хөдөлгөөн, онд оролтын байдалд хяналт хийж ажиллаа. Цаг үеийн байдал цоохор цастай, өдөртэй дулаан боловч өвс муутайхан цасан доороос гарсан өвс идэж уулынхаа хяраар голдуу идээшилж байгаа нь ажиглагдаж байлаа. Энэ өвлийн байдал цас багатай хар голдуу өвөлжсөн бөгөөд 2-р сарын 10 -ны бага зэргийн цас орсон нь мал амьтанд унд болж байна. Цаашдаа дулаарах төлөвтэй амьтны онд оролт хэвийн байна.

Хүйтний улирал нугаларч байгаатай холбогдуулан насанд хүрэгчид болон хүүхдийн тээврийн хэрэгслийн осол гэмтэл, цочмог хордлогод хүргэж буй эрсдэлт хүчин зүйлээс урьдчилан сэргийлэхэд эцэг эх , асран хамгаалагч , олон нийтийн оролцоо , салбар хоорондын хамтын ажиллагааг идэвхжүүлэх зорилгоор нийгмийн эрүүл мэндийн урьдчилан сэргийлэх зөвлөл сумын гэмт хэргээс урьдчилан сэргийлэх ажлыг зохицуулах салбар зөвлөл хамтран аян өрнүүлж ажиллаж байна. Аяны хүрээнд үйл ажиллагааны төлөвлөгөө гаргаж батлуулж бусад төрийн бус байгууллагууд үйлчилгээний газруудад мэдээллэх хуудас хүргүүлэх, аж ахуйн нэгж, албан байгууллагууд , айл өрх бүрт хариуцсан мэргэжилтэнгүүд гэрийн эргэлт хийж гарын авлага тарааж ажиллаа. мөн аяны хугацаанд хөдөө багийн малчдад түлэгдэлт , хөлдөлтөөс сэргийлэх анхны тусламжийг хэрхэн үзүүлдэг байх , цочмог хүйтэрсэн үед бага насны хүүхдийг малд явуулахгүй байх , холын замд гарсан үед техникийн бүрэн бүтэн байдал аюулгүй байдалд анхаарах талаар зөвлөгөө мэдээлэл хийж 125 ширхэг гарын авлага тараасан. Сумын төвийн эрсдэлт бүлгийн айл өрхүүдээр хороолол хариуцсан мэргэжилтэнгүүд явж угаарын хийн хордлогоос урьдчилан сэргийлэх ажлын хүрээнд шатаах зууханд хяналт хийж яндангийн сойлтуурын хаах нээх горим, угаар гарсан үед авах арга хэмжээний талаар мэдээлэл өгч 149 ширхэг гарын авлага тарааж мэдээллээр хангаж ажиллаа.

2018 оны 11-р сард болсон хүчтэй шороон шуурганы улмаас гэргүй болсон Гурван жигэртэй багийн малчин Ц.Цагаанцоож, гал түймрийн аюулд өртөж гэр нь шатсан Хар алтат багийн малчин Ш.Сүхбаатар нарт битүү шалтай, давхар давхрагатай 2 гэрийг 2019 оны 02-р сарын 19-ны өдөр гардуулан өглөө. сум орон нутгаас хүсэлт тавьсаны дагуу УИХ-ын гишүүн, Засгын газрын гишүүн сангийн сайд Ч.Хүрэлбаатарын дэмжлэгээр дээрх өрхүүдэд гэр олгосноор 2 өрхийн 11 иргэн ая тухтай амьдрах нөхцөл нь сайжирч байна.

Бөхмөрөн сумын ИТХ, ЗДТГ болон Ирвэстэй нутгийн ирээдүй төсөл хамтран малчдын чуулга уулзалт, зөвөлгөөнийг 2019 оны 2 дугаар сарын 19 -ны өдөр амжилттай зохион байгууллаа. Чуулга уулзалтанд 3 багийн 280 малчин оролцсон ба тэдэнд өнөөгийн цаг үеийн байдал, малчдад тулгамдаж буй асуудал, гарах арга замын талаар хэлэлцүүлэг өрнүүлснээс гадна цайны завсарлага, үдийн хоол, урлагын тоглолт бүхий цогц арга хэмжээг амжилттай зохион байгууллаа. Зөвлөгөөнийг сумын ИТХ-ын дарга П.Баярсайхан, ЗДТГ-ын дарга Б.Баяндүүрэн нар нээж үг хэлж, оролцогчдод аймаг, орон нутгийн зүгээс хэрэгжүүлж буй бодлого шийдвэрийн талаар мэдээ мэдээлэл хийж, малчдын санал хүсэлтийг сонслоо. Энэхүү чуулга уулзалтанд Ирвэстэй нутгийн ирээдүй төслийн баг оролцож малчдад өрхийн амьжиргаагаа дээшлүүлэх, хоршоо, хадгаламж зээлийн хоршоолол байгуулах, хамтран ажиллах үйл ажиллагааны талаар цогц мэдээллийг өглөө. Мөн “Ногоон алт” төслөөс сарлаг болон тэмээний хөөвөр бэлтгэх арга ажиллагаа сэдэвт онол практикын сургалтыг зохион байгууллаа.

Бөхмөрөн сумын ИТХ, ЗДТГ, Дэлхийн байгаль хамгаалах сангаас хэрэгжүүлж буй Ирвэстэй нутгийн ирээдүй төслөөс хамтран зохион байгуулсан “Малчдын зөвөлгөөн”-д оролцсон 280 гаруй малчдад Ногоон алт төслийн Дундын хоршооноос “Сарлагын хөөврийг самнах, зах зээлийн эргэлтэнд оруулах арга зүй, туршлага” сэдэвт онол практик хосолсон сургалтыг зохион байгуулж гарын авлага, тараах материалиар хангалаа. Сургалтаар олгосон онолын мэдлэгээ бататгах практикын дадлага ажлыг Хар алтат багийн төв Хадаан усанд зохион байгууллаа. Үзүүлэх сургалтанд сарлаг малладаг малчдын төлөөлөл болох 25 малчин хамрагдсан бөгөөд "Ногоон алт" төслийн дундын хоршооноос сарлаг самнах зориулалт бүхий хашаа, сарлагын 50 ширхэг сам, хөөвөр хийх зориулалтын шуудай зэрэг зүйлсийг гардуулан өглөө. Энэхүү хашаа нь 25-30 сарлагын багтаамжтай бөгөөд сарлагыг нэг нэгээр оруулж самнах тасалгаатай, өөр газар зөөвөрлөн ашиглах боложтой, эдэлгээ сайтай зэрэг нь иргэдийн хэрэгцээнд бүрэн нийцэж байна. Бөхмөрөн сум нь 2018 онд нийт 1565 сарлаг тоологдсон. Энэхүү сарлаг маллаж байгаа малчид Ирвэстэй нутгийн ирээдүй төслийн дэмжлэгтэйгээр Дундын хоршооноос өгсөн сам, хашааг ашиглан сарлагаа самнаснаар жилд дундчаар 1500 кг хөөвөр самнаж зах зээлд борлуулснаар 15 сая төгрөг олох боломжтой боллоо. Бөхмөрөн сумын малчдад сарлаг, тором самнах зориулалт бүхий хашаа, сам бэлэглэсэн Дэлхийн байгаль хамгаалах сангийн Ирвэстэй нутгийн ирээдүй төсөл, Ногоон алт төслийн Дундын хоршооны хамт олонд нутгийн малчдын нэрийн өмнөөс талархал илэрхийлье.

НоржингийнБаярмагнайнь 1975 ондУвсаймгийнБөхмөрөнсумандтөрсөн. Үндэснийбиеийнтамирындээдсургуулийгбагш, дасгалжуулагчмэргэжлээртөгссөнбөгөөдМонголулсыншигшээбагийнтамирчинбайсан. ТэрээрОрхонаймгийннаадамд 2000 ондтүрүүлжүндэснийбөхийнаймгийнарсланцолхүртсэн. Чөлөөтбөхийнулсынаваргашалгаруулахтэмцээнд 6 удаатүрүүлсэн, 2001 ондУлаанбаатархотноозохионбайгуулагдсанчөлөөтбөхийнАзитивийнаваргашалгаруулахтэмцээний 63 кг-ийнжиндбарилдантүрүүлжАзитивийнаваргаболсон. Олонулсынтэмцээнээсалт, мөнгө, хүрэлнийт 16 медальхүртсэн ОУХМ, Биеийнтамирынтэргүүнийажилтанцолтой Увсаймгаастөрөнгарсаншилдэгтамирчдыннэгюм. Тэрээр 2019 оны 1 дүгээрсарын 27-нд төрөлхсумандаацололгохтойргынбарилдаанзохионбайгууллаа. Энэхүү үйл ажиллагааны зорилго нь Бөхмөрөнсумаасааулс, аймгийнцолтойбөхтөрүүлэхбөгөөд энэталдээрхичээн ажилланагэдгээ аймгийн арслан Н.Баярмагнай амаллаа. Цол олгох барилдаанд 34 бөх 3 зоонд хуваагдан барилдаж зоо бүрээс шалгарсан 9 бөх тойргоор барилдаж 1, 2, 3-р байр шалгарууллаа. Барилдаанд Увс аймаг Тэс сумын харьяат сумын начин Баянмөнх 1-р байр эзэлж сумын харцага цол хүртэж, сумын харцага Бат-орших 2-р байранд, Баян-Өлгий аймаг Баяннуур сумын харьяат залуу бөх Хасарбек 3-р байр эзэлж сумын начин цол хүртлээ

Бөхмөрөн сумын ИТХ, ЗДТГ, Үндэсний бөхийн холбоо хамтран 17 дугаар жарны “Алтан унжлагат” хэмээх гал тахиа жилийн сар шинийн баярт зориулсан хүчит бөхийн барилдааныг амжилттай зохион байгууллаа. Сар шинийн барилдаанд 32 бөх барилдаж Увс аймаг Бөхмөрөн сумын харьяат сумын заан Я.Алтанхуяг түрүүлж, Ховд сумын харьяат сумын харцага Бат-Орших үзүүрлэж, сумын заан Батсуурь, сумын заан Баярсайхан нар их шөвөгт шалгарлаа.

Бөхмөрөн сумын ИТХ, ЗДТГ-ын хамт олон жил бүрийн сар шиний босгон дээр нийт ахмадуудаа хүлээн авч хүндэтгэл үзүүлдэг уламжлалтай. Уламжлал ёсоор ахмадууддаа хүндэтгэл үзүүлж, хүлээн авалтын арга хэмжээг 2019 оны 02-р сарын 01-ны өдөр зохион байгууллаа. Хүндэтгэлийн арга хэмжээнд 130 гаруй ахмад настан оролцож төсөвт байгууллагууд өөрийн харьяаны ахмад настангууддаа хүндэтгэл үзүүлж гарын бэлэг гардууллаа. Ахмадууддаа зориулсан урлагын тоглолтыг уртын дуугаар нээж байгууллага бүрээс урлагын номер үзүүлж баярын мэндчилгээ дэвшүүллээ. Мөн хүндэтгэлийн цайллагад ирсэн ахмадуудын дунд дууны тэмцээн зохион байгуулж эхний 3 байр шалгаруулан шагнаж урамшууллаа.

Ув саймгийн БТСГазар, Бөхмөрөн сумын ИТХ, ЗДТГ-тай хамтран тус сумаас төрөн гарсан Чөлөөт бөхийн Монгол Улсын таван удаагийн аварга, Ази тивийн аварга ОУХМ аймгийн арслан Норжингийн Баярмагнайгийн нэрэмжит баруун гурван аймгийн аймаг, сумын цолтой бөхчүүдийг хамарсан үндэсний бөхийн барилдааныг 2019 оны 1 сарын 24-ны өдөр төрөлх Бөхмөрөн суманд амжилттай зохион байгууллаа, Барилдааны нээлтийн үеэр нэрэмжит барилдаанаа зохион байгуулж буй аймгийн арслан Н.Баярмагнайд Бөхмөрөн сумын ИТХ, Засаг даргынТамгын газар, Аймгийн БТСГ-аас Бөхмөрөн сумын үндэсний бөхийн холбоо Хар алтад баг 1993 оны төгсөгчид болон нутгийн ард иргэд арсландаа хүндэтгэл үзүүлсэн шагналын хур буусан өдөр байлаа. Тус барилдаан анх 2009 онд зохион байгуулагдаж эхлэсэн бөгөөд өнөө жил арав дахь жилийнхээ ойн хүрээнд өргөн дэлгэр болж Баян-Өлгий, Ховд, Увс аймгуудын у.н Ө.Сумьяа а.а Б.Бадарч Х.Мөнхжаргал а.з М.Аманбек О.Баярцогт Г.Батбаяр нараар магнайлуулсан улс аймгийн алдар цолтой 64 бөх хүч сорин барилдлаа. Барилдаанд Увс аймаг Тэс сумын харъяат "Увс нуур" галын бөх аймгийн харцага Цэнд-Аюушийн Саранзолбоо зургаа даван түрүүлж, Тэс сумын харъяат "Увс нуур” галын бөх аймгийн заан Очирын Баярцогт тавдаван үзүүрлэлээ Шөвгийн дөрөвт Улаангом сумын харъяат “Улаангом” дэвжээний бөх аймгийн заан Гэрэлцогтын Батбаяр, Наранбула гсумын харъяат аймгийн мэргэжлийн хяналтын газрын бөх аймгийн начин Бямбажавын Нармандах нар шалгарлаа

Бөхмөрөн сумын ИТХ-ын Тэргүүлэгчдийн санаачлагаар ИТХ, ЗДТГ, ЭМТөв ахмадын хороо, сургууль, соёлийн төв хамтран сурагчдын амралтыг тохиолдуулан дотуур байранд 7 хоногийн хугацаатай ахмадын сувилал ажиллууллаа. Тус сувилалд 65-аас дээш насны 16 ахмад буурлууд хэвтэн эмчлүүлсэн бөгөөд сум орон нутгийн удирдлагууд, байгууллагын дарга, эрхлэгч нар хүлээн авч уулзан байгууллагын албан хаагчид мэдээ мэдээлэл хийж урлагын тоглолт сонирхуулж ажиллаа.

Бөхмөрөн сумын Байшинт, Хар алтат, Гурванжигэртэй багийн 17 дугаар жарны “Алтан унжлагат” хэмээх гал тахиа жилийн сар шинийн баярт зориулсан БИНХ 2019 оны 1 сарын 28, 29, 30 өдрүүдэд амжилттай зохион байгууллаа. Энэхүү хуралдаанд Аймгийн ЗДТГ-ын НБХ-ийн даргаС.Амраа, сумын ИТХ-ын дарга, Засаг дарга, албан хаагчид 2018 оны Увс аймагт хийгдсэн онцлох ажлууд, хөрөнгө оруулалт бүтээн байгуулалтын талаар болон төр засгийн бодлого шийдвэртэй холбоотой мэдээллийг танилцуулж, мал аж ахуйн салбарт олон жил үр бүтээлтэй ажиллаж мал сүргийн бүтэц, хээлтэгч, хээлтүүлэгчийн тохиргоог зохистой хэмжээнд барьж төлөө бүрэн бойжуулж, нэг малаас авах ашиг шимийг дээшлүүлж, байгаа Аймаг, сумын аварга малчдаа шалгаруулж батламж дурсгалын зүйлээр шагналаа. ГУРВАН ЖИГЭРТЭЙ БАГААС 1. Аймгийн аварга малчнаар Б.Даваасүрэн 2. Аймгийн аварга малчнаар Г.Эрдэнэчулуун 3. Сумын аварга малчнаар Н.Бат-орших ХАР АЛТАТ БАГААС 1. Аймгийн аварга малчнаар Г.Даваадорж 2. Аймгийн аварга малчнаар Ш.Сүхтулга 3. Сумын аварга малчнаар Д.Эрдэнэбилэг 4. Багийн хамгийн олон адуутай малчин Б.Нямбаяр 5. Багийн хамгийн олон тэмээтэй малчин Д.Ганболд 6. Багийн хамгийн олон үхэртэй малчин Ц.Отгонбаяр 7. Багийн хамгийн олон хоньтой малчин Ш.Сүхтулга 8. Багийн хамгийн олон ямаатай малчин Б.Ганзориг 9. Багийн сайн малчин Э.Наранхүү 10. Багийн сайн малчин Э.Баяртогтох 11. Багийн сайн малчин Р.Энхбазар БАЙШИНТ БАГААС 1.Сумын аварга малчнаар Б.Мөнххишиг, нар тустус хөдөлмөр зүтгэлээ үнэлүүллээ

Бөхмөрөн суманд 1975.09.05 - 1991.07.01 хооронд цаг уурын харуул, 1970.08.10 - 1972.06.01-нд ус судлалын харуул тус тус ажиллан байгаль, цаг уур, орчны хяналт судалгааг тасралтгүй хийж байсан. 1984 онд Бөхмөрөн сумын цаг уурын харуул Ц.Буянжаргал улсын тэргүүний харуулаар шалгаран хөдөлмөр бүтээлийн амжилт гарган ажиллаж байсан. Тус сум нь улсын хил, аймаг дамнасан голуудтай боловч усны чанарын судалгаа,хяналт шинжилгээ хийгдээгүй, цаг агаарын аюултай үзэгдэл үe үe ажиглагдаж байгаа зэргийг үндэслэн цаг уурын болон ус судлалын харуулыг зайлшгүй ажиллуулах шаардлагатай юм. Ийнхүү БӨХМӨРӨН СУМ 27 ЖИЛИЙН ДАРАА ДАХИН ЦАГ УУРЫН ХАРУУЛТАЙ БОЛЛОО.

Бөхмөрөн сумын нийт иргэдийн эрүүл мэндийг хамгаалах, аливаа өвчнөөс урьдчилан сэргийлэх, идэвхитэй хөдөлгөөнөөр иргэдээ эрүүлжүүлэх бялдаржуулалтын ком тоног төхөөрөмжтэй болох орчин үеийн дэвшилтэт технологи бүхий ЭХО аппараттай болох зорилгоор орон нутгийн хөгжлийн сангийн хөрөнгийн зарцуулалтанд тусгасан. Энэхүү зорилтот ажлын хүрээнд ОНХС-ийн хөрөнгө оруулалтаар бялдаржуулалт чийрэгжүүлэлтийн тоног төхөөрөмж, Эрүүл мэндийн төвд EUS-6B ЭХО аппараттай боллоо. Эрүүл биед саруул ухаан оршино Иргэн бүр эрүүл байхын ерөөл өргөе.